సిట్టిగాడి వార్త...వాత...😊😊😊

సిట్టిగాడి వార్త...వాత...😊😊😊

హుజూర్ నగర్ ఉపఎన్నిక త్రిముఖ పోటీకి రెడీ అయింది...నాంపల్లి స్టేషన్ కాడి రాజా లింగో రమారాజ్యం తీరు సుడూ శివా సెంబులింగా అనే పాటతో జనం మది దోసుకుందాం పెతి పక్షం వారు పావులు కదుపుతుంటే, ముందు బతుకమ్మ పండుగ వేడుక సందర్భంగా ముత్యాల సెమ్మ సెక్క రతనాల మల్లె మొగ్గ ఓ సెలి ఆడుదమా పాడుదమా కలకిల కిలకిలా నవ్వులతో గాజులు గలగల లాడా పాటతో ముందికి వెళ్లి ఈజయం వరించాలి అని కేసీఆర్ సారు  ప్లాన్ సేస్తున్నారు అని టాక్... రేవంత్ రెడ్డి సారు కాంగ్రెస్ లో ఉన్నా ఆయన పెద్దసారు మనిషి అని కాంగ్రెస్ వారు,ప్రజల నమ్మకం...ఈజయం ఎవరికి దక్కుతుందో 24న చూడవలసిందే...

మరాఠా యోధుడు పవార్ సారు  ED పిలుపు అందగానే మిగతా వారిలా కాకుండా సానుకూలంగా స్పందించడం,వారు జైలుకు పంపినా అక్కడ శ్రీ కృష్ణ తమ్ముడా అనే పాటతో సాటి ఖైదీల మధ్య సందడి సేస్తాను అని సెప్పటం సిట్టి గాడి బుర్ర తిరిగి పోయింది...ఆరోగ్యం సరిగ్గా లేకున్నా ఆయనకున్న మనో నిబ్బరం సూసి ED సార్లు ఏ నిర్ణయం తీసుకుంటారో వేసి సుడవలసిందే...

అత్త కొట్టినందుకు కాదు తోడికోడలు నవ్వినందుకు అన్న సామెత గుర్తు సేసుకుంటూ రిమాండ్ పొడిగించినందుకు కాదు పెద్ద సారు వచ్చి సూడ నందుకు బాధాగా ఉందని సింతమనేని సారు అభిమానులు,ఆయన కూడా ఫీల్ అవుతున్నారని సమాచారం...అప్ప్పట్లో వైస్సార్ సారు గౌరు సారుని బుగ్గలు నిమిరి ధైర్యం సెప్పిన విధంగా  మా సారుకి కూడా పెద్ద సారు వచ్చి మనో నిబ్బరం ఇస్తే గాంధీ జయంతి నాడు మా సారు అక్కడ ఎగరాలి జాతీయ పతాకం ఎగరాలి అనే పాటతో మంచి మార్కులు కొట్టి బెయిల్ మీద బయటకి వస్తారు కదా అని ఆయన అభిమానుల ఆశ...

ఎవరైనా ప్రముఖుడు ఆరోగ్యం బాగుండక వైద్యానికి వైద్య శాలకి వెళ్లి ఆయన పరిస్థితి విషమంగా ఉంది వార్త తెలియటం ఆలస్యం సదరు వ్యక్తి సిట్టి గాడు ఆయనని విడిచి వెళ్లే లోపే ఇక్కడ నివాళి దర్శనం ఇవ్వటం బాధాకరం... ఇదే స్థితి నిన్న అనుభవించిన నటుడు వేణు మాధవ్ గారు ఈరోజు కన్ను మూయటం బాధాకరం..దిల్,తొలి ప్రేమ,లక్ష్మీ, ఛత్రపతి చిత్రాలలోని ఆయన నటన మరిచి పోలేము...వారికి సిట్టి నివాళి...😢😢😢😢😢

సొంతం కానీ దానిపై ఎందుకంత పేమ పడగొడితే సానుభూతి కోసం పెద్దసారు చూస్తున్నారు నేనైతే ఎంటనే ఖాళీ సేసే వాడిని అని సుజనా సారు కరకట్ట నివాసం పై సేసిన కామెంట్ అనుబంధం ఆత్మీయత అంతా ఒక బూటకం,ఆత్మ తృప్తికై మనుషులు ఆడుకునే నాటకం అనే పాట పెద్ద సారుకి గుర్తుకి వచ్చి ఆవేదన చెందారట.. వీరి అనుబంధం గురించి తెలిసిన వారు నమ్మకపోవటంతో నమ్మరే, నేను మారానంటే నమ్మరే అనే పాట సుజనా సారు హమ్ చేస్తున్నారని టాక్..

చెక్ దే ఇండియా అనే పాట తో అమెరికా పర్యటన మొత్తం మోడీ సారు పులకించి పోయే విధంగా సేస్తుంటే పులకించని మది పులకించే అనే పాట గుర్తుకు రావటంతో గ్లోబల్ గోల్ కీపర్ అవార్డ్ తో సారుకు సత్కారం  సేసి తమ పేమ సాటుకున్నారు అని టాక్...

బీజేపీ విష్ణు కుమార్ రాజు సారు చిన్న సారు పాలనపై మురిసి పోయి పెద్ద సారు పై రుసరుస లాడుతుంటే విద్యుత్ ఒప్పందాల పై కేంద్ర మంత్రి మళ్ళీ ఇదే పాట ప్రతి చోట ఇలాగే పాడుకుంటాను అనే పాటని వదలకుండా పెట్టుబడులు రావు విద్యుత్ ppa ల పై సమీక్ష వద్దు అని మళ్ళీ పేమ లేఖ  రాసారట... విషయం ఎటు వెళ్లి ఎటు వస్తుందో అని జనం ఆసక్తి గా ఎదురు చూస్తున్నారు...

సోషల్ మీడియా లో ప్రబలుతున్న పెడ ధోరణులపై  సుప్రీం ఒక విషయంలో గాబరా పడుతుంటే దీనివల్ల నిజాలు బయటకి వస్తున్నాయి అని బాధ పడే వారు కొందరు...సమాజంలో మంచి తీసుకుని చెడు వదలమని సేపుతున్న వారు దీనిలో కూడా అదే విధానం అవలంబిస్తే మంచిది అని సిట్టి
 అభిప్రాయం...

టీ సిరీస్ సమం సేసి టెస్ట్ సిరీస్ కి రెడీ అయిన సౌత్ ఆఫ్రికా విషయంలో జాగ్రత్తగా ఉండాలని మనోళ్ళకి సిట్టి సలహా...పాక్ వెళ్లిన శ్రీలంక జట్టు సభ్యుల బృందం ముందు జాగ్రత్తలో భాగంగా చేతికి తాయత్తు కట్టించుకుని వెళ్లారట... ఎవరి భయం వారిది...

మా వంశీయుడు మీద సిత్రం తీసి మాకు ముందు ఇచ్చిన మాట ప్రకారం సైరా యూనిట్ ఇస్తాం అన్నది ఇవ్వలేదని సైరా కుటుంబం ఆ సిత్రం విడుదల అడ్డుకోవటానికి హైకోర్టుని ఆశ్రయించారు... భారీగా డబ్బులు ఖర్చు పెట్టాం, అవి తిరిగి రాబట్టుకోవటానికి టికెట్ చార్జీలు పెంచి,అదనపు షోలతో పండుగ సెలవలను క్యాష్ సేసుకోవటానికి చిత్ర బృందం ఒక పక్క స్కెచ్ వేసుకుంటూ వీరికి సముచిత గౌరవం ఇచ్చి ఉంటే చిత్రానికి,ఆ వీరునికి ఘన నివాళి ఇచ్చినట్లు ఉండేది అని సిట్టి అభిప్రాయం...ఎవరి కెవరు ఈ లోకంలో ఎవరికి ఎరుక అనే పాట బ్యాక్ గ్రౌండ్ లో వస్తున్న సమయంలో సిట్టి వార్తలు సమాప్తం.