సోషల్ మీడియా ఖాతాలను ఆధార్‌తో అనుసంధానం చేయాలన్న పిల్ ను కొట్టేసిన సుప్రీంకోర్టు

న్యూఢిల్లీ: సోషల్ మీడియా ఖాతాలను ఆధార్‌తో అనుసంధానం చేయాలని కోరుతూ వేసిన ప్రజా ప్రయోజన వ్యాజ్యాన్ని (పిల్) దేశ అత్యున్నత ధర్మాసనం కొట్టి వేసింది. 
సోషల్ మీడియాలో ఫేక్ ఖాతాలను నిరోధించే ఉద్దేశంతో ఈ పిల్‌ను సుప్రీంలో దాఖలు చేసినట్లు పిటిషనర్ పేర్కొన్నారు. కాగా, అన్ని విషయాలను సుప్రీం వరకు రావాల్సిన అవసరం లేదని సుప్రీం ధర్మాసనం వ్యాఖ్యానించింది.  పిల్‌పై వాదనలు విన్ని సుప్రీం కోర్టు.. ''ఈ విషయం గతంలో మద్రాసు హైకోర్టు దృష్టికి వచ్చింది. ప్రతి విషయం సుప్రీంకోర్టు వరకు రావాల్సిన అవసరం లేదు'' అని అభిప్రాయపడింది. 
నకిలీ ఖాతాలు, పెయిడ్ వార్తలు సోషల్ మీడియాలో ఎక్కువయ్యాయని, వాటిని నిరోధించాలంటే ప్రతి ఖాతాకు ఆధార్‌ను లింక్ చేయాలని లాయర్, బీజేపీ నేత అశ్విణి ఉపాధ్యాయ సుప్రీంలో ప్రజా ప్రయోజన వ్యాజ్యం దాఖలు చేశారు.