పౌరసరఫరాల శాఖ మంత్రి వైఫల్యం పై ముఖ్యమంత్రి స్పందించాలి.* - *పొన్నం ప్రభాకర్*

 *పౌరసరఫరాల శాఖ మంత్రి వైఫల్యం పై ముఖ్యమంత్రి స్పందించాలి.* - *పొన్నం ప్రభాకర్*

*ప్రభుత్వ నిర్లక్ష్యం వల్లే రైతులు భారీగా నష్టపోయారు.* - *కవ్వంపల్లి సత్యనారాయణ* 

జిల్లా వ్యాప్తంగా అకాల వర్షాలతో నష్టపోయిన రైతన్నల సమస్యలను తెలుసుకునే కార్యక్రమంలో భాగంగా నేడు మానకొండూరు నియోజకవర్గం తిమ్మాపూర్ మండలంలోని పర్లపల్లి గ్రామంలో ఐకెపి సెంటర్లను సందర్శించిన అనంతరం జిల్లా కాంగ్రెస్ కమిటీ అధ్యక్షులు డా.కవ్వంపల్లి సత్యనారాయణ మాట్లాడుతూ, నియోజకవర్గ స్థానిక ఎమ్మెల్యే కొబ్బరికాయలు కొట్టి వారం రోజులు గడిచినా కొనుగోలు ప్రక్రియ ప్రారంభం కాలేదు.

అధికారులు 360 సెంటర్లలో కొనుగోలు సెంటర్లను ప్రారంభించామని చెప్పినప్పటికీ కేవలం 160 సెంటర్లలో మాత్రమే కొనుగోలు జరుగుతుంది.

నిరంతరంగా కురుస్తున్న వర్షాలతో రైతులకు నష్టం వాటిల్లే ప్రమాదం ఉందని అధికారుల దృష్టికి తెచ్చినప్పటికీ శనివారం నాటి నుండి కొనుగోలు ప్రక్రియ ఆగిపోయింది.

ప్రభుత్వ నిర్లక్ష్యం వల్ల రైతులు భారీగా నష్టపోయారు.

25 రోజుల ముందు నుండే ధాన్యం కొనుగోలు ప్రారంభించి ఉంటే ఈ పరిస్థితి వచ్చేది కాదు.

ప్రభుత్వ అసమర్ధత వల్ల కొన్ని ప్రాంతాల్లో వ్యవసాయ కార్మికులు, లారీలు, ట్రాక్టర్ల డ్రైవర్లు ఆందోళనలు చేపడుతున్నారు.

ఈమొద్దు ప్రభుత్వాన్ని నిద్ర లేపడానికి కాంగ్రెస్ పార్టీ పోరాడుతూనే ఉంటుంది.

తడిసిన ధాన్యాన్ని, మొలకెత్తిన ధాన్యాన్ని కనీస మద్దతు ధరతో కొనుగోలు చేయాల్సిందేనని కాంగ్రెస్ పార్టీ పక్షాన డిమాండ్ చేస్తున్నాం.

మాజీ పార్లమెంట్ సభ్యులు పొన్నం ప్రభాకర్ గారు మాట్లాడుతూ రాష్ట్ర పౌరసరఫరాల కార్పొరేషన్ చైర్మన్ ధాన్యం కొనుగోలు విషయంలో వాస్తవాలు దాచి పెడుతున్నారు.

ఈ తిమ్మాపూర్ మండలంలో 50 వేల క్వింటాళ్ల ధాన్యం కొనవలసి ఉండగా గడిచిన వారం రోజుల్లో కేవలం 3 వేల క్వింటాళ్ల ధాన్యం మాత్రమే కొనుగోలు జరిగిందని అధికారులు చెబుతున్నారు.

కరీంనగర్ జిల్లాలో కేవలం 2267 మెట్రిక్ టన్నుల ధాన్యం మాత్రమే కొనుగోలు చేసినారు.

సివిల్ సప్లై శాఖ వెబ్సైట్లో ఉన్న సమాచారానికి ప్రజా ప్రతినిధులు చెప్పే వివరాలకు పొంతనే లేదు

25 రోజులుగా ఐకెపి సెంటర్లో ధాన్యం కొనుగోలుకు సిద్ధంగా ఉండగా వాటిపై దృష్టి పెట్టని అధికార పార్టీ ప్రజాప్రతినిధులు ఆత్మీయ సమ్మేళనాల పేరుతో సంబరాలు జరుపుకుంటున్నారు.

పునర్నిర్మాణ సంబరాలు వేడుకలనుండి బయటకు వచ్చి కన్నీరు పెడుతున్న రైతుల ఆవేదన వినండి

మేము రైతుల పక్షాన కలెక్టర్ కాళ్ళు మొక్కి వేడుకున్నా ఈ ప్రభుత్వానికి చలనం లేదు

కొనుగోలు సెంటర్లలో ధాన్యం వచ్చి ఎన్ని రోజులు అయిందో ఎంత మేరకు కొనుగోలు జరిగిందో నిరూపించడానికి సిద్ధంగా ఉన్నామని సవాల్ విసిరుతున్నాం మంత్రికి సవాల్ స్వీకరించే దమ్ముందా..?

అధికారంలో లేకపోయినా మేము రైతు బిడ్డలమే, రైతుల గోడు తెలిసిన వారమే.

ఇది రాజకీయ పంచాయతీ కాదు, రైతులను ఆదుకోవాలని ప్రభుత్వాన్ని కోరడమే మా ఉద్దేశం

రైస్ మిల్లర్ల దయాదాక్షి న్యాల మీద ధాన్యం అమ్ముకోవలసిన కర్మ రైతుకు పట్టలేదు.

పౌరసరఫరాల శాఖ మంత్రి వైఫల్యం పై ముఖ్యమంత్రి స్పందించాలి.

రైతులు కన్నీరు పెడుతుంటే ముఖ్యమంత్రి ఉత్సవాల పేరుతో ఆర్భాటం చేస్తున్నారు.

రైతు ఏడ్చిన రాజ్యం, ఎద్దు ఏడ్చిన ఎవుసం మంచిది కాదని ముఖ్యమంత్రి చంద్రశేఖర రావు గారికి తెలియజేస్తున్నాను అని అన్నారు