సీఎం అభీష్టం మేరకే జవహర్‌లాల్‌ నెహ్రూ జర్నలిస్ట్‌ హౌజింగ్‌ సోసైటీ కమిటీ రద్దు

 నిజాంపేట సొసైటీ కార్యాలయానికి నోటీసు అంటించిన సహకార శాఖ అధికారులు శ్రీమతి రమాదేవి , వెంకటరెడ్డి ల దృశ్యం

సీఎం అభీష్టం మేరకే జెఎన్‌జే కమిటీ రద్దు

ఫిబ్రవరి 4న అడ్‌హక్‌ బోర్డు ఎన్నిక

నోటీస్‌ జారీ చేసిన సహకార శాఖ

హైదరాబాద్‌, జనవరి 20 - జవహర్‌లాల్‌ నెహ్రూ జర్నలిస్ట్‌ హౌజింగ్‌ సోసైటీ డైరెక్టర్‌ పోస్టులకు ఎన్నికలు నిర్వహించేందుకు అడ్‌హక్‌ బోర్డును ఏర్పాటు చేయాలని సహకార శాఖ నిర్ణయించింది. ఈమేరకు జిల్లా సహకార అధికారి(రిజిస్ట్రార్‌) డి.రమాదేవి శనివారం నోటీసు జారీ చేశారు. రమాదేవితో పాటు డిఫ్యూటీ రిజిస్ట్రార్‌ వెంకట్‌రెడ్డి... నిజాంపేట్‌లోని జేఎన్‌జే కార్యాలయానికి వెళ్లి రికార్డులను స్వాధీనం చేసుకున్నారు. ఆ వెంటనే నోటీసు జారీ చేశారు. 2024 ఫిబ్రవరి 4న జేఎన్‌జే సర్వసభ్య సమావేశం ఏర్పాటు చేస్తున్నట్లు రమాదేవి నోటీసులో పేర్కొన్నారు. ఫిబ్రవరి 4న ఉదయం 11.30 గంటలకు నిజాంపేట్‌లోని జేఎన్‌జే స్థలంలోనే సర్వసభ్య సమావేశం జరుగుతుందని తెలిపారు. ఈ సమావేశంలో అడ్‌హక్‌ బోర్డును ఏర్పాటు చేస్తామని ఆమె వివరించారు. ఈ సమావేశానికి సహకార శాఖ డిఫ్యూటీ రిజిస్ట్రార్‌ సికింద్రాబాద్‌ను కన్వీనర్‌ గా వ్యవహరిస్తారు. ఈ బోర్డు జేఎన్‌జే మ్యాక్‌ హౌజింగ్‌ సోసైటీకి 5 డైరెక్టర్‌ పోస్టులకు ఎన్నికలు నిర్వహిస్తుంది. నెలరోజుల్లోగా ఎన్నిక ప్రక్రియను ఈ బోర్డు పూర్తి చేయాల్సి ఉంటుంది. 

జేఎన్‌జే స్వయం ప్రకటిత కమిటీని రద్దు చేసుకుని తన వద్దకు వస్తే పేట్‌బషీరాబాద్‌ లోని 38 ఎకరాల భూమి స్వాధీనం చేస్తానని ముఖ్యమంత్రి రేవంత్‌ రెడ్డి పలు సందర్భాల్లో బహిరంగంగా ప్రకటించారు. టీంజేఎన్‌జే ఈ మేరకు పోరాటం చేసి విజయం సాధించింది. 2023 డిసెంబర్‌ 21న రవీంద్రభారతిలో జరిగిన జేఎన్‌జే సమావేశం స్ఫూర్తి ఎన్నికలకు దోహదం చేసింది. 

సీఎంకు టీమ్‌జేఎన్‌జే కృతజ‍్ఞతలు

ఎంతోకాలంగా జేఎన్‌జే హౌజింగ్‌ సోసైటీకి నూతన కమిటీని ఏర్పాటు చేయాలని టీంజేఎన్‌జే చేసిన పోరాటానికి అనుగుణంగా ప్రభుత్వం చర్యలు తీసుకోవడం పట్ల ముఖ్యమంత్రి రేవంత్‌రెడ్డికి టీంజేఎన్‌జే కృతజ్ఞతలు తెలిపింది. టీం జేఎన్‌జే గత కొన్నేళ్లుగా స్వయం ప్రకటిత కమిటీని రద్దు చేయాలని, కాంగ్రెస్‌ ప్రభుత్వం కేటాయించిన 70 ఎకరాల ఇళ్ల స్థలాలను అప్పగించాలని ఆనాటి ప్రతిపక‌్ష పార్టీ అధినేత, ఈనాటి సీఎం రేవంత్‌రెడ్డికి ఎన్నోసార్లు కలిసి విన్నవించింది. టీంజేఎన్‌జే పోరాట ఫలితంగా స్వయం ప్రకటిత సోసైటీ మేనేజింగ్‌ కమిటీని రద్దు చేస్తూ నిర్ణయం తీసుకోవడం పట్ల సభ్యలంతా హర్షం వ్యక్తం చేస్తున్నారు. కొత్తగా అడ్‌హక్‌ బోర్డును ఎన్నికల ద్వారా ఎంపిక చేసుకునేందుకు ప్రభుత్వం నిర్ణయం తీసుకోవడం పట్ల జేఎన్‌జే వ్యవస్థాపక సభ్యులు పి.వి.రమణారావు సంతోషం వ్యక్తం చేశారు. సభ్యులంతా ఫిబ్రవరి 4న జరిగే సర్వసభ్య సమావేశంలో తప్పనిసరిగా పాల్గొని బోర్డు ఎంపికకు సహకరించాలని విజ్ఞప్తి చేశారు. 

......................................................

photo wrightups

1.అధికారులు జారీ చేసిన నోటీస్

2...................................